د اروپایي ټولنې مشر د بریتانیا د وتو د ځنډ په اړه مشوره کوي
د بریتانیا صدراعظم بوریس جانسن د یوې لایحې له مخې اړ شو چې له اروپايي ټولنې د بریتانیا په وتلو یا بریګزیت کې د ۳ میاشتني ځنډ غوښتنه وکړي.
د بریتانیا پارلمان پرون شنبه په یوه استثنايي غونډه کې د ۳۰۶ منفي رأیو پر وړاندې په ۳۲۲ موافقو رأیو د بریګزیت پرضد رأیه ورکړه.
جانسن په جولای میاشت کې د صدراعظم په توګه له دې ژمنې سره په کار پیل وکړ چې بریتانیا به د روانې اکتوبر میاشتې تر ۳۱مې نېټې پورې له اروپايي ټولنې باسي.
ډونالد ټوسک پرون پر ټویټر په یوه بیان کې ولیکل چې له جانسن سره یې د پارلمان له رأیې وروسته خبرې وکړې او زیاته یې کړه چې اوس دی د بریتانیا د حکومت د رسمي غوښتنې په انتظار دی.