چارواکي: په کندهار او ارزګان کې ۸ وسله وال وژل شوي
دغه وسله وال د کندهار په ميوند او د ارزګان په ګيزاب ولسواليو کي مړه او ټپيان شوي دي.
په کندهار کې د ۲۰۵ اتل قول اردو ویاند خواجه یحيی علوي ازادي راډيو ته وويل چې د ميوند ولسوالۍ د سره بغل په سیمه کې د افغان ځواکونو سره نښته کې ۶ وسله وال وژل شوي او ۲ نور ټپيان شوي دي.
علوي زياتوي چې د ارزګان په ګيزاب ولسوالۍ کي هم د ملي اردو له ځواکونو سره په جګړه کې د مولوي نصرالله د ډلې اړوند ۲ وسله وال وژل شوي او ۳ نور ژوبل شوي دي.
د ۲۰۵ اتل قول اردو د ویاند په خبره، په دغو پېښو افغان ځواکونو ته د وسله والو يو شمېر وسلي او مهمات هم په لاس ورغلي.
طالبانو تراوسه په دې اړه رسنیو ته څه نه دي ویلي.