قزاقستان کې ۱۴ کسان د داعش ډلې د ملاتړ په تور محاکمه شول

د قزاقستان یوې محکمې ۱۴ قزاقستانیان چې په سوریه کې د اسلامي دولت یا داعش ډلې په ملاتړ په جګړه تورن وو، محاکمه کړل.


له مشکوکو کسانو ۱۳ تنه‌یې نن (اکټوبر ۲۲مه) د قزاقستان په پلازمېنه نورسلطان کې تر سختو امنیتي تدابیرو لاندې د محکمې خونې ته ولېږدول شول.


یو مشکوک وګړی چې زخمي و، له روغتونه د وېډیو له لارې محاکمې ته حاضر شوی و.


څارنوالانو هغوی په ترورېستي فعالیتونو کې په ونډه اخیستو، د وګړو په استخدام، د ترورېزم لپاره په تبلیغ او د جنایتونو په ترسره کولو تورن کړي دي.


د راپورونو پر اساس، د قزاقستان سلګونه اتباع سږ کال د "ژوسن" په نوم په خاصو عملیاتو کې له سوریې بېرته خپل هېواد ته ستانه کړای شول.