چارواکي: په ارزګان کې طالبانو ۲ ملکي کسان وژلي
د دغه ولایت مرستیال والي محمد سعید سعادت ناصري نن ازادي راډيو ته وویل چې وسله والو طالبانو دغه کسان تېره شپه د ترینکوټ ښار اړوند په نچین سیمه کې هغه مهال وژلي، کله چې دوی پر موټرسایکل له ښاره خپلو کورونو ته روان وو.
دوی وايي، وژل شوي کسان دواړه وروڼه دي.
له دې سره د سیمې خلک هم وايي چې وژل شوي کسان ملکيان او د وسله والو طالبانو له لوري وژل شوي دي.
وسله والو طالبانو تر اوسه په دې اړه رسنیو ته څه نه دي ویلي.