کونړ کې د والیبال سیالۍ د نرنګ لوبډلې په بریا پای ته ورسېدې
د دغو سیالیو د پای لوبې په مراسمو کې د والیبال سلګونو مینه والو ګډون کړی وو.
د کونړ ورزشي امریت د والیبال فدراسیون مشر محمد شعیب حماد وایي، له دې لوبو څخه یې موخه د ۱۹ کلنو او ولایتي منتخبې لوبډلو لپاره د پیاوړو لوبغاړو ټاکل وو.
حماد وایي، ولایتي منتخبې لوبډلې لپاره به له ټولو لوبډلو په شرایطو برابر لوبغاړي وټاکل شي.
دغه سیالۍ څو ورځې وړاندې د مرکز او ۱۵ ولسوالیو لوبډلو ترمنځ پیل شوې وې چې پای لوبه یې نن د نرنګ او څوکۍ ولسوالیو لوبډلو ترمنځ ترسره شوه.
د نرنګ لوبډلې وکولای شول چې دا لوبه په ښه توپير وګټي.