د افغانستان پخوانی ولسمشرحامد کرزی وایي، افغانان به ډیرژر د طالبانو او د افغانستان د دولت ترمنځ د سولې د خبرو د بیا پیلیدو شاهد واوسي. په قطرکې د دواړو لورو ترمنځ خبرې، له افغانستانه د ناتو او امریکایي ځواکونو د وتلو د مهال ویش تراعلان وروسته په ټپه دریدلې. دغه خبرې د تیرکال په سپټمبرکې پیل شوې وې خوپکې د پام وړپرمختګ ندی شوی. کرزي نن په کابل کې په یوه خبري کنفرانس کې دغه راز په افغانستان کې د جګړې د بندیدو او د بنسټیزو تاسیساتو د نه ویجاړیدو غوښتنه وکړه.
