پوتین له خپل فرانسوي سیال مکرون سره خپلې خبرې ګټورې وبللې
پوتین له مکرون سره په ګډه خبري ناسته کې ویلي، ده ته د فرانسوي سیال له خوا شوي یو شمېر وړاندیزونه د لانجې د هواري په موخه پرمختګ ته لاره هوارولی شي.
ایمانویل مکرون وویل، راتلونکې څو ورځې به حساسې وي او په خبره یې پوتین ته یې د "کلکو امنیتي ضمانتونو" وړاندیز کړی دی.
فرانسوي ولسمشر ویلي، پوتین د ثبات او د اوکراین د ځمکنۍ بشپړتیا ډاډ ورکړی دی.
ټاکل شوې مکرون نن کیف کې له اوکرایني چارواکو سره تر خبرو وروسته بیا له پوتین سره ټیلیفوني خبرې وکړي.
د دې ټولو سیاسي هلو ځلو موخه داده چې روسیه پر اوکراین له احتمالي یرغله را وګرځوي.