د امریکا او روسیې ولسمشرانو له یو بل سره په لیدو هوکړه کړي
ولسمشر بایډن هڅه کوي چې د روسیې ولسمشر پر اوکراین له احتمالي یرغله را وګرځوي.
د سپینې ماڼۍ ویاندې جن ساکي پرون په یوه اعلامیه کې وویل،که پر اوکراین یرغل نه و شوی، بایډن به د امریکا او روسیې د بهرنیو چارو وزیرانو تر خبرو وروسته سره وګوري.
په پام کې ده انتوني بلېنکن او سرګي لاوروف را روانه پنجشنبې سره خبرې وکړي.
د دواړو ولسمشرانو د کتنې نظریه د فرانسې ولسمشر امانویل مکرون وړاندې کړي چې له دواړو جو بایډن او ولادمیر پوتین سره یې پرون ټلیفوني خبرې وکړې.
د امریکا او روسیې د ولسمشرانو د کتنې د دقیقې نېټې او ځای په باب کوم اعلان نه دی شوی.