د کندز په خان اباد کې د هاوان سرګولولې چاودنې ۲ ماشومان وژلي
یوې معتبرې سیمه ییزې سرچینې نن دوشنبې( د کب په ۹مې) ازادي راډیو ته وویل پرون مازدیګر د خان اباد ولسوالۍ د محب الله خان په سیمې کې یو شمېر ماشومانو د هاوان پر مرمۍ لوبې کولې چې پرې چاودلې ده او له امله دوه ماشومان وژل شوي او دوه تنه نور ټپیان شوي دي
د سرچینې په وینا، چې وژل شوې ماشومان د یوې کورنۍ غړي دي او د پېښې ټپیان د درملنې په خاطر روغتون ته انتقال شوي دي.
دا لومړۍ ځل نه دی چې د هاوان مرمۍ د چاودنې له امله ماشومانو ته مرګ ژوبله اوړي، بلکې له دې وړاندې هم په دې ولایت کې ورته پېښې رامنځه شوې وي.