د کندهار په سپین بولدک کې یوه ماشومه څاه ته تر لوېدو وروسته مړه شوه
د کندهار ښاروالۍ ویاند زمري څرګند ازادي رادیو ته وویل، تېره ورځ ناوخته د کندهار د سپین بولدک ولسوالۍ په معروفانو نومي کلي کې یوه ماشومه نجلۍ ۷۰ متره ژور څاه ته لوېدلې چې وروسته د ښاروالۍ د پرسونل په هڅو د نجلۍ جسد را ایستل شوی دی.
د څرګند په وینا، دا نجلۍ پرون په سپینبولدک ولسوالۍ کې له خپل کوره ورکه شوې وه.
په دې وروستیو کي ورته پيښي ډيري شوي دي.
په تېره یوه میاشت کې په هلمند او زابل ولایتونو کې درې ماشومان په څاه کې د لوېدو له کبله مړه شوي دي.