نېټ فلېکس او ټیکټاک په روسیه کې خپل زیات خدمات ځنډولي
دا اقدام وروسته له هغې وشو چې په اوکراین کې د روسیې د جګړې په تړاو پر راپور ورکولو د مسکو فشارونه زیات شول.
پرون تر دې مخکې د امریکا د مالي خدماتو د کارټونو امېرېکن اکسپرس شرکت هم په روسیه کې د خپلو فعالیتونو بندولو پرېکړه وکړه.
ټیکټاک په روسیه کې د نویو ویډیويي پوسټونو او په ژوندۍ بڼه د ویډیو خپرول بند کړي، نېټفلېکس بیا په روسیه کې د خپلو خدماتو د ځنډولو په اړه نور جزئیات نه دي ورکړي.
نېټفلېکس نړۍ کې په انلاین بڼه د فلمونو او ټلوېزیوني سریالونو د خپرولو یو لوی شرکت او ټیکټاک د لنډو ویډیوګانو د شریکولو یو اپ دی.
د روسیې ولسمشر ولادمیر پوتین د رسنیو پر هغو کارکوونکو خپل فشارونه زیات کړي، چې نه دي توانېدلي په اوکراین کې د روسیې د جګړې په اړه د کرملین مقررات رعایت کړي.