یونېسف له افغانو ماشومانو سره نوې مرستې اعلان کړې
د دې سازمان افغانستان څانګې پرون په ټویټر کې لیکلي چې د ګېټس بنسټ په همکارۍ یې په افغانستان کې پر اړمنو ماشومانو ۱۵ زره کمکي بستې وېشلې دي.
د سازمان په وینا، په دې مرستو کې د ماشومانو لپاره کمپلې او حیاتي واکسینونه شامل دي.
په افغانستان کې د طالبانو له بیا واکمنېدو را وروسته د ملګرو ملتونو وجهي صندوق د ماشومانو وضعیت د اندېښنې وړ بللی دی.
یونېسف د کب په ۱۳ مه اعلان وکړ چې په افغانستان کې له ماشومانو سره د مرستې لپاره یې د دوه میلیارده ډالرو له ژمنې یوازې ۱۵ سلنه ترلاسه کړې ده.