اسلام اباد پولنډ ته د خپلو اتباعو د د ایستلو په موخه الوتکه ولېږله
د پاکستان نړیوال هوايي شرکت ویلي، د دغو کسانو اکثریت محصلان دي.
د اسوشېټېډ پرېس خبري اژانس په حواله، که څه هم پاکستان ویلي جګړه حل لار نه ده او د اوربند غوښتنه یې کړې، خو اسلام اباد پر اوکراین د روسیې حمله نه ده غندلې.
د پاکستان صدراعظم عمران خان د فبرورۍ میاشتې پر ۲۴مه څو ساعته وروسته له هغې چې د روسیې ولسمشر ولادمیر پوتین پر اوکراین د حملې امر وکړ، له ولسمشر پوتین سره کتلي وو.
پاکستان تېره اوونۍ د ملګرو ملتونو په عمومي غونډه کې چې پر اوکراین د روسیې د حملې د غندلې لپاره رابلل شوې وه، د دې حملې له غندلو ډډه وکړه.