د فاکس نیوز ټلوېزیون یو کمرهمین او پروډیوسره کیف ته نږدې ووژل شول
د فاکس نیوز او اوکرایني رسنیو د راپورونو له مخې د مارچ په ۱۰مه کیف ته نږدې په هورینکا ښارګوټي کې د ډزو له کبله د دې شبکې ایرلنډی کمرهمین پییر زاکر زیوېسکي وژل شوی او خبریال بنجامین هال ټپي شوی دی.
په دې پېښه کې د فاکس نیوز اوکراینۍ پروډیوسره اولیکساندرا کوفشینووا هم وژل شوې ده.
د مارچ په ۱۳مه کیف ته په نږدې یوه بل ښارګوټي ایرپین کې په ورته پېښه کې امریکایی خبریال برنت رنو ووژل شو او امریکایی عکاس خواناری دوندو ټپي شو.