طالبانو عشقاباد کې د افغانستان سفارت ته ګومارل شوی شارژدافیر وروپېژانده
د دې وزارت ویاند عبدالقهار بلخي په خپله ټویټرپاڼه کې ویلي چې د نوموړي د معرفي په مراسمو کې چې پرون پنجشنبې ترسره شول، د سفارت پر کارکوونکو او یو شمېر افغانانو او سوداګرو سربېره د ترکمنستان د بهرنیو چارو سرپرست وزیر وفا حاجییوف او یو شمېر همکارانو یې ګډون کړی و.
د ښاغلي بلخي په خبره ښاغلي حاجییوف ویلي، دلته د دې لپاره راغلي چې خپله دوستي او ورورګلوي ثابته کړي او زیاتوي چې له سفارت سره په همکارۍ به د ټاپي، ټاپ او نورې پروژې عملي کړي.
په عشقاباد کې د افغانستان سفارت لپاره د طالبانو حکومت لهخوا ګومارل شوی سرپرست سفیر او شارژدافیر داسې مهال دنده پیلوي چې د طالبانو حکومت تر اوسه د نړۍ هېڅ هېواد په رسمیت نهدی پېژندلی او په ډېرو هېوادونو کې د پخواني جمهوري نظام ډیپلوماتان خپلې دندې مخ ته وړي.