د ایبک او پلخمري ترمنځ لویه لاره کې د درې پلونو د رغونې چارې بشپړې شوې
د دې وزارت ویاند محمد اشرف حقشناس تېر ماښام ازادي راډیو ته وویل چې د سړک جوړونې احمد مزمل شرکت سره د شوي قرارداد له مخې دغه سړکونه د نږدې شپږنیم ملیون افغانیو په لګښت جوړ شوي دي.
ښاغلی حقشناس زياتوي: "د دغې پروژې په جریان کې د سیمې اوسېدونکو ته مستقیم او غیر مستقیم کاري فرصتونه رامنځته شوي او په بشپړېدو سره دغهراز د خلکو ډېرې ترانسپورټي ستونزې هوارې شوې دي."
د افغانستان په اکثرو سیمو کې خلک د سړکونو له خرابوالي شکایت کوي، خو د طالبانو د ټولګټو وزارت چارواکي وایي، خپل مالي امکاناتو ته په پام هڅه کوي چې د خلکو د ترانسپورټي ستونزو غم وخوري.