لغمان کې نامعلومو وسلهوالو درې تنه ووژل
په دغه ولایت کې د طالبانو حکومت ویاند صلاحالدین زاهد پرون ازادي راډیو ته وویل، دا درې تنه په مرکز مهترلام کې د وسلهوالو د ډزو پر مهال وژل شوي دي.
نوموړي زیاته کړه چې دا پېښه هغه وخت رامنځته شوه چې وسلهوالو په رېکشا کې پر ناستو کسانو ډزې وکړې.
په دې پېښه کې یو تن ټپي شوی هم دی.
تر اوسه د دې برید علت نهدی څرګند، خو د لغمان د والي ویاند وایي چې برید کوونکي له مقاومته وروسته ټپیان شوي او اوس په توقیف کې دي.