ویره او نامعلوم برخلیک، په افغانستان کې د ښځینه پوځیانو ژوند ته کتنه
د افغانستان د امنیتي او دفاعي ځواکونو چې پرافغانستان د طالبانو له بیا ځلي واکمنیدو سره ړنګ شول، په لیکو کې له درې زره زیاتو ښځو دندې ترسره کولې. اوس یوشمیردغې ښځې له افغانستانه وتلي، یوشمیرنورو یې د افغانستان دننه پټ ژوند ته مخه کړې او ډیرې کمې یې په ملکي برخو کې په کارونو بوختې دي.
د طالبانو له خوا د ښځو په ګډون د پخوانیو افغان امنیتي ځواکونو د په سلګونو غړیو د وژل کیدو راپورونه ورکړل شوي دي.
طالبان وایي، عمومي بښنه یې اعلان کړې او دغه راپورونه ردوي. طالبان د پخوانیو پوځیانو د وژنو لامل شخصي دښمنۍ بولي، خو اکثره پوځیان چې تراوسه په افغانستان کې اوسي، وایي، په آرام خوب نشي کولای.
په دې راپورکې د هغو دوو ښځو ژوند ته کتنه شوې چې د طالبانو له واکمنۍ مخکې د افغانستان د امنیتي او دفاعي ځواکونو غړې وې.