طالبان: يوه اوونۍ کې د کانونو او تېلو له درکه ۲۰۰ ميليونه افغانۍ عايد ترلاسه شوی
باختر اژانس د طالبانو د حکومت د کانونو او پټرولیم وزارت په حواله لیکلي چې څه باندې دوه سوه میلیونه افغانۍ / درې اعشاریه نهه میلیونه ډالره عاید یې د تېلو د سکتور او د نورو کانیزو پروژو له لارې ترلاسه کړي چې بې سارې دي.
د راپور په اساس تېره میاشت کې طالبانو د کانونو له درکه ۱۸۴ میلیونه افغانۍ عاید ټول کړی.
د کانونو د برخې پوهان اندېښمن دي چې د طالبانو حکومت په پراخه کچه له اساسي ارزونو پرته د کاني سرچینو استخراج پيل کړی او تړونونه یې کړي چې ښايي اوږدمهال کې ستونزې پيدا کړي.