د پکتيکا په برمل کې د ټي ټي پي درې مهم قوماندانان وژل شوي
د ازادي راډیو مشال څانګې ته له موضوع خبرو سرچینو ویلي چې په وژل شویو قوماندانانو کې یو هم خالد خراساني ته نږدې کس عبدالولي دی.
د دوو نورو نومونه حافظ دولت او مفتي حسن ښودل شوي دي.
د سرچینې پر اساس، د پاکستاني طالبانو د تحریک یا ټي ټي پي دغو قوماندانان پرون (یکشنبه) ماښام د پکتیکا ولایت په برمل ولسوالۍ کې په موټر کې سفر کاوه چې ماین یې په لاره کې وچاودېده.