د ايران اټومي تړون بيا ژوندي کېدو خبرو کې پرمختګ شوی
د اروپایي ټولنې لوړپوړي مرکچي اینریک مورا (Enrique Mora) وایي، هیلې شته چې د اوونۍ ترپایه پورې خبرو کې پرمختګ وشي.
د روسيې مرکچي بیا ویلي، یوازې درې/څلور مسلې نا حله پاتې دي.
په دې اړه مخامخ خبرې له څه ځنډ وروسته د پنجشنبې په ورځ په ویانا کې د ایران، روسیې او اروپایي ټولنې د مرکچیانو ترمنځ پيل شوې.
امریکا په غیر مستقیم ډول دغه بحثونه څاري.