د هوا پېژندنې ادارې په ۱۹ ولايتونو کې د ورښتونو او سېلابونو وړاندوينه کړې
دې ادارې پرون (پنجشنبه) وویل چې په راتلونکو ۲۴ ساعتونو کې په بدخشان، کونړ، ننګرهار، لغمان، نورستان، پنجشېر، پروان، کابل، وردک، لوګر، پکتیکا، خوست، پکتیا، بامیان، دایکنډي، غزني، زابل او کندهار ولایتونو کې د شدیدو ورښتونو اټکل کېږي.
د افغانستان د هوا پېژندنې ادارې له اټکل سره سم، د ورښت اندازه به د ۱۰ او ۴۰ میلي مترو ترمنځ وي.
په وروستیو څو میاشتو کې د سختو ورښتونو له کبله سلګونه افغانانو ته د سر و مال تاوانونه اوښتي دي.
څو ورځې مخکې د طالبانو حکومت له نړيوالو غوښتي وو چې د طبيعي پېښو له امله له زيانمنو شويو افغانانو سره مرستې وکړي.