ترکیه '۲۲۷' تنه افغان کډوال بېرته افغانستان ته لېږي

د ترکیې د انادولو خبري اژانس د راپور له مخې، دا افغانان، چې په غیرقانوني ډول ترکیې ته تللي، په چارتر الوتکو کې بېرته افغانستان ته استول کېږي.


ترکیې تر دې وړاندې هم سلګونه افغان پناه غوښتونکي د هوا له لارې افغانستان ته استولي دي.


په همدې حال کې ترک چارواکي وايي چې په خپله خوښه له ستنېدونکو افغانو سره د دوی په خپل هېواد کې د کارموندنې په شمول راز راز مرستې کوي او له کله چې یې دا پروژه پیل کړې، ترکیې ته د افغانانو د پناه وړلو بهیر ټکنی شوی دی.


ډېری ځوانانو د بېکارۍ له امله، ايران، پاکستان او ترکيې هېوادونو ته له ناقانونه لارو ځي چې هلته نيول کېږي او بېرته افغانستان ته استول کېږي.