اوکراین په تېره میاشت کې تر یو میلیون ټنه ډېر کرنیز محصولات صادر کړي
د اوکراین ولسمشر ولودومیر زیلینسکي تېره شپه ناوخته وویل چې د درېیو سمندري بندرونو له لارې په نږدې یوه میاشت کې یو میلیون ټنه محصولات بهر ته صادر شوي دي.
وروسته تر دې چې د فبروري په ۲۴مه روسیې پر اوکراین برید وکړ د تورسمندرګي له لارې د اوکراین د غله دانو صادرات په ټپه ودرېدل.
تېره میاشت د ملګرو ملتونو په منځګړیتوب مسکو او کییف موافقه وکړه چې دا صادرات بېرته پيل شي.