په پاکستان کې سېلابونو سلګونه کسان وژلي
حکومت نن وویل چې شاوخوا دېرش میلیونه کسان د دې سېلابونو له امله بې سرپناه شوې دي.
د پاکستان صدراعظم شهباز شریف له نړیوالې ټولنې د دې سېلابونو د مخنیوي لپاره د مرستې غوښتنه کړې ده.
د پاکستان د بهرنیو چارو د وزارت ویاند عاصم افتخار وویل چې ملګرو ملتونو د دې سېلابونو په خاطر له مرستندویانو د یو سل او شپېته میلیونه ډالرو د مرستې غوښتنه کړې ده.