طالبان: له روسیې څخه د تېلو اخیستو په موخه موافقه ژر لاسلیک کېږي
نور الدین عزیزي چې تېره اونۍ د یوه پلاوي په مشرۍ ماسکو ته تللی و، په یوه ویډیوي پیغام کې وایي چې د بیو په سر موافقه شوې ده یوازې رسمي موافقه لیک نه دی لاسلیک شوی.
روسیي رسنیو تېره اونۍ ویلي و چې طالبان غواړي له روسیې څخه یو میلیون ټنه تیل واخلي.
په افغانستان کې د طالبانو تر واکمنۍ راوروسته د تېلو بیې لوړې شوي دي او د ملګرو ملتونو د بشري مرستو د همغږۍ د ادارې یا اوچا په وینا په تېر یوه کال کې د ډیزلو بیې شاوخوا نوي فیصده لوړې شوې دي.