د خوړو نړيوال پروګرام: له ۲۷۰۰۰ سېلاب ځپلو سره مو مرسته کړې
دغه سازمان د شنبې په ورځ په یوه ټویټ کې وویل چې، دغه مرستې روانه میاشت په ۱۲ ولایتونو کې شوي دي.
د طالبانو د حکومت د طبيعي پېښو پر وړاندې د مبارزې وزارت وايي، چې د تېرې یوې شپې او ورځې په اوږدو کې په ننګرهار او لغمان کې د سېلابونو له امله لږ تر لږه اووه کسان مړه شوي دي.
په دې وروستیو کې د افغانستان په یو شمېر ولایتونو کې سېلابونه راوتلي، چې د مرګ ژوبلې ترڅنګ یې ډېر مالي زیانونه هم اړولي دي.