د خوړو او کرنې اداره بدخشان کې زرګونه کروندګرو ته اصلاح شوي تخمونه وېشي
FAO پرون په یوه ټویټ کې ویلي، په دې ولایت کې به له ۹۵ زره زیاتو کسانو سره دغه مرستې وشي او هرې کورنۍ ته به ۵۰ کیلو ګرامه د غنمو اصلاح شوي تخمونه، پنځوس کیلو ګرامه کیمیاوي سره او دغه راز لازمې زده کړې ورکړي.
د فاو په خبره اصلاح شویو تخمونه ډېر ښه حاصل ورکوي او لیدل شوي چې په دوه جریبه ځمکه چې اصلاح شوي تخمونه کرل شوي، تر۱۴۰۰ کیلو ګرامه پورې حاصل ترلاسه شوي دي.
خو یو شمېر بزګر شکایت کوي چې، د غنمو اصلاح شوي تخمونه په خپل وخت چې د غنمو د کرلو دی، نه وېشل کېږي او ډېر ځلې هغه اوړه کوي او خوري یې.