طالبان د سترې محکمې د پخواني مشر جنازه افغانستان ته لېږدوي
د دې وزارت ویاند عبدالقهار بلخي پر خپله ټوېټرپاڼه لیکلي، دوی په متحده عربي اماراتو کې خپل سفارت ته لارښونه کړې چې د جنازې د لېږد لپاره د ښاغلي حلیم له کورنۍ سره په همغږۍ، لازمې کړنې ترسره کړي.
پخوانی قاضی القضات او د سترې محکمې مشر محمد یوسف حلیم د تېرې دوشنبې په ورځ په ابوظبۍ کې د ۶۳ کلونو په عمر وفات شو.
د راپورونو له مخې هغه د کډوالو په یوه کمپ کې د زړه د حملې له کبله مړ شوی دی.