د ایران د ښوونکو ټولنې دوه ورځنی کاري اعتصاب اعلان کړ
د ښوونکو د همغږۍ شورا پرون جمعه وویل چې دغه اعتصاب به د یکشنبې او دوشنبې په ورځو کې ترسره شي.
د ښوونځیو یو شمېر ښوونکو ادعاوې کړي چې د حکومت ضد اعتراضونو په ترڅ کې د ښوونځیو یو شمېر زده کوونکي وژل شوي دي.
دغه اعتراضونه په ایران کې څه باندې پنځه اوونۍ وړاندې وروسته له هغې پیل شوي چې د ایران د امنیتي ځواکونو په توقیف کې د مهسا امیني په نوم د یوې ځوانې ښځې د شکنجې او وژل کېدو خبر خپور شو.