روسيې نن پر کييف او زاپوريژيا بريدونه کړي دي

د روسیې پوځیانو نن د اوکراین په پلازمېنه کیف او زاپوریژیا ښار کې تازه بریدونه کړي دي.


د کیف سیمه‌ییز والي اولیکسي کولیبا پر خپل ټیلګرام چینل لیکلي، د ژغورنې ټیمونه په پلازمېنه کې د بریدونو سیمو ته رسیدلي، خو د بریدونو اصلي موقعیتونه یې نه‌دي یاد کړي.


نوموړي زیاته کړې، روسان د شپې له‌خوا کیيف له وحشت سره مخامخوي او په خبره یې د بریدونو ځای کې د اورونو د مړه کېدو او نورو پاتې شونو د پاکېدو هڅې لا روانې دي.


روسیې په دې وروستیو کې پر اوکراین هوایي او توغندیز بریدونه ډېر کړي، خو اوکرایني چارواکو ویلي، دا د جګړې په ډګر کې د مسکو د ماتې په معنا ده.