امریکا پر یوه ایراني بنسټ بندیزونه ولګول
د امریکا د خزانې وزارت د بهرنیو شتمنیو د کنټرول ادارې پرون د اکټوبر ۲۸مه په یوه بیان کې وویل چې دا نوي بندیزونه د خُرداد په نوم د بنسټ پر ۱۵ اړوندو څانګو لګول شوي دي.
بیان زیاتوي چې د ۱۹۸۹ کال په فبروري میاشت کې د ایران د پخواني لوی مذهبي مشر آیت الله خمیني له خوا د سلمان رشدي د قتل تر فتوا وروسته، نوموړي بنسټ د دې لیکوال د وژنې لپاره میلیونونه ډالر لګولي دي.
سلمان رشدي برتانوی- امریکایی لیکوال دی چې د روان کال د اګسټ په ۱۲مه په نیویارک ښار کې برید پرې وشو او سخت ټپي شو.