د پیسو نړیوال صندوق پاکستان ته د درې میلیارد ډالرو پور تصویب کړ
دغه اقدام به ښایي دا هېواد د پورونو د بېرته ورکولو د ستونزې له امله له دیوالي کېدو وژغوري.
دغې نړیوالې مالي موسسې وویل چې اجراییه بورډ موافقه وکړه چې دغه پیسې به د نهو میاشتو په موده کې پاکستان ته ورکول کېږي ترڅو د دې هېواد د اقتصادي ثبات د پروګرام ملاتړ وشي.
دغه اعلان څه کم دوه اوونۍ وروسته له هغې کېږي چې د پاکستان د صدراعظم، د دې هېواد د مالیې وزیر او یو شمېر نورو چارواکو د څو غونډو په نتیجه کې پاکستان او 'آی ایم ایف' اعلان وکړ چې دواړه لوري پریوه پلان سره سلا شوي دي.