نایجر: جنرال چیاني تر کودتا وروسته د نوي دولت مشر اعلان شو
پوځيانو له خپل ملت او نړیوالو وغوښتل چې د دغه نوي حکومت ملاتړ وکړي.
یوه ویاند پرون وویل، چې اساسي قانون تعلیق شوی او واک د چیاني په لاس کې دی.
د تیرې اونۍ په پيل کې د ولسمشر محمد بازوم ساتونکو کودتا وکړه.
بازوم دوه کاله مخکې د ټاکنو له لارې واک ترلاسه کړ.
په نایجر کې کودتا په داسې وخت کې شوې ده، چې په دغه هېواد کې د د سیاسي کړکېچ له امله د جهادي ډلو د پياوړتیا او په لویدیځه افریقا کې د روسیې د نفوذ زیاتیدو اندېښنې موجودې دي.