داعش د سوریې د وروستیو بمي بریدونو مسوولیت منلی
په دغو بریدونو کې ۶ تنه ووژل شول.
داعش پرون (جمعه) په خپله اعماق ویبپاڼه کې اعلان کړی، چې د پنجشنبې په ورځ د دوی څو تنه بریالي شول چې د سیده زینب په سیمه کې د سوریې د امنیتي ځواکونو او ملېشو امنیتي کمربندونه مات کړي.
د سیده زینب سیمه د دمشق په جنوب کې ده او د شیعه زیارت کوونکو تر ټولو مشهوره مېنه ګڼل کېږي.
داعش ادعا کړې چې په دې بمي برید کې یې ۱۰ تنه وژلي او ۴۰ نور ژوبل کړي دي.
خو د سوریې د کورنیو چارو وزارت د ۶ تنو وژل کېدا او د ۲۳ نورو ټپي کېدل تایید کړي دي.