د کرکټ یو ورځنی نړیوال جام؛ انګلستان له نیوزیلنډ سره لوبیږي

د ۲۰۲۳  کال د کرکټ د نړیوال جام لومړۍ لوبه نن د انګلستان او نیوزیلنډ تر منځ روانه ده. 


انګلستان په ۲۰۱۹ کال کې د نیوزیلند په وړاندې د نړیوال جام پایلوبه ګټلې وه. 


د دوی نننۍ لوبه د هند په احمداباد ښار کې روانه ده او انګلستان بېټنګ/ توپ وهنه کوي. 


تر دې لوبې مخکې د افغانستان په شمول د ټولو ټیمونو لوبډلمشران په یوه کنفرانس کې غږېدلي او د خپلو ټیمونو د چمتووالي ډاډ یې ورکړی دی.  


افغان لوبډلمشر حشمت الله شهیدي ویلي چې ټيم یې نه یواځې په بالنګ کې مخکې دی بلکې دا وار به د ده په خبره ټولو ته څرګنده کړي چې ښه بېټنګ هم کولای شي. 


افغانستان به اوله لوبه را روانه شنبه له بنګله دیش سره وکړي.