مرتضی بهبودي د طالبانو له بنده خوشې شو
د بهبودي مېرمنې الکساندرا مستوفایا ازادي راډیو ته د نوموړي د خوشې کیدو خبر تایید کړی.
د بې پولې خبریالانو ټولنې هم د یوې اعلامیې له خپرولو سره دغه خبر تایید کړی او ویلي چې بهبودي له ۲۸۴ ورځو وروسته را خوشې شوی.
مرتضی بهبودي د تېر ۱۴۰۱ کال د جدي پر ۱۵مه کابل کې د طالبانو له خوا نیول شوی و.
د طالبانو د حکومت چارواکو د نوموړي د خوشې کیدو په اړه څه نه دي ویلي.
نوموړی داسې مهال را خوشې شوی چې لا هم یو شمېر نور فعالان د طالبانو په زندان کې بندیان دي او برخلیک یې نه دی معلوم.