د ملګرو ملتونو پراختیایي پروګرام: د هرات زلزله ځپلي سرپناه ته سخته اړتیا لري
دې پروګرام نن په خپله اېکس پاڼه یا پخواني ټویټرکې لیکلي چې ژمی را روان دی او هغه هم یو سوړ ژمی.
سرچینه زیاتوي زلزله ځپلي اوبو، خوړو او د معیشیت په برخو کې نورو مرستوته اړتیا لري.
د دې پروګرام په وینا، دوی سړکونو او همداراز ډېرو برخو کې مرستو ته اړتیا لري.
د ملګروملتونو پراختیایي پروګرام د هرات زلزله ځپلوته د سرپناه پر اړتیا ټینګار داسې مهال کوي چې په هرات کې د طالبانو سیمه ییزو چارواکو تېره اوونۍ په یوه ښارګوټي کې د زلزلو ځپلو لپاره د شاوخوا دونیم زره کورونو د جوړولو خبرورکړ.
د طالبانو د حکومت چارواکو ویلي، کوښښ کوي چې د دغو کورونو د جوړولو چارې له ژمي مخکې بشپړې کړي.