خوړو نړیوال پروګرام: د هرات زلزله ځپلي له بېړنیو مرستو زیات د خپل ژوند سمولو لاسنیوي ته اړتیا لري
دې پروګرام نن یکشنبې په خپله اېکس پاڼه یا پخواني ټویټر کې بیا خبرداری ورکړی چې بودیجه یې په چټکۍ په خلاصیدو ده.
سرچینې د شهزاده په نوم د یوې مېرمنې څرګندونې خپرې کړي چې وایي، هرڅه یې له لاسه ورکړي دي.
د خوړو د نړیوال پروګرام په وینا، نوموړې د هغو ۹۵ زره کسانو له ډلې یوه ده چې د هرات له زلزلې ژوندۍ پاتې شوې او د دې پروګرام مرستې یې ترلاسه کړي دي.
په عین حال کې د ملګروملتونو د بشري چارو د همغږۍ ادارې، اوچا په خپله اېکس پاڼه کښلي چې په هرات کې زلزلو ۲۱ نیم سوه کورونه ویجاړکړي او ۱۷ زره او ۸۸ کورونه یې سخت زیانمن کړي دي.