له غزې تړانګې څخه شاوخوا ۵۰۰ بهرني اتباع مصر ته رسېدلي
د مصر یوه امنیتي چارواکي د فرانسې خبرۍ اژانس ته ویلي چې دا کسان د ۱۵ بېلابېلو هېوادونو اتباع دي.
د مصر استخباراتو ته نږدې د القاهره نیوز ورځپاڼې خبر ورکړی چې په همدې ورځ اوه تنه ټپیان فلسطینیان هم د رفح له لارې مصر ته داخل شول.
د رفح کرښه، چې د غزې او مصر تر منځ یوازېنۍ پوله ده، د جمعې او شنبې په ورځو د امنیتي شرایطو له امله تړل شوې وه او د بهرنیو اتباعو او ټپي شویو فلسطینیانو د وتلو مخه نیول شوې وه.
څو ساعته مخکې روسیې اعلان وکړ چې د یکشنبې په ورځ د دغه هېواد ۷۰ اتباع له غزې څخه ووتل او مصر ته د دغه پولې له لارې ننوځي.