روغتیا نړیوال سازمان: له پاکستانه د افغانانو اېستو پر روغتیایي امکاناتو فشار زیات کړی
WHO پر اېکس شبکې په یوه بیان کې ویلي دي چې د روغتیايي برخې عملیات له خنډ سره مخامخ شوي دي.
د روغتیا نړیوال سازمان وايي چې له راستنېدونکو افغانانو سره په صحي برخه کې د مرستې لپاره یې له مرستندویو هېوادونو څخه د لس میلیون ډالره بسپنې غوښتنه کړې.
نړیوالو خیریه ټولنو د هغو افغانانو پر وضعیت اندېښنه ښودلې چې پاکستان یې په جبري ډول ایستل د نوامبر له لومړۍ نېټې راهیسې پیل کړل.
د طالبانو د حکومت ویاند ذبیح الله مجاهد نن رویټرز خبري اژانس ته وویل چې تردې دمه له څلور لکو زیات افغانان خپل هېواد ته ستانه شوي دي.