فضل حق فاروقي یو وار بیا په نړیوال شل اوریز لیګ کې ښه ځلېدلی
نوموړی چې د " مای امارات" په لوبډله کې لوبیږي، په ۴ اورونو کې یې ۲۴ منډې ورکړي دي او ۴ لوبغاړي یې سوځولي دي.
ښاغلی فاروقي اوس مهال د متحده عربي اماراتو د نړیوال شل اوریزه لیګ د توپ اچوونکو په کتار کې تر ټولو مخکې دی چې په ۴ سیالیو کې یې ۱۱ لوبغاړي سوځولي دي.
نوموړي تر دې وړاندې هم په یوه لوبه کې ۵ لوبغاړي سوځولي وو.
په یاده لوبډله کې له فاروقي سره دوه نور افغان لوبغاړي وقار سلامخیل او الله محمد غضنفر هم لوبه کوي.
د ویلو ده چې اوس مهال ګڼ شمېر افغان لوبغاړي په درې مهمو سوداګریزو لیګونو کې لوبیږي چې ټولو تر دې دمه ښې لوبې کړې دي.