د خوړو نړیوال پروګرام، په افغانستان کې ۲۵ زره ټنه حبوبات وېشلي
دې ادارې د دوشنبې په ورځ په یوه خبرلیک کې، چې په خپله ایکسپاڼه کې یې خپور کړی دی، زیاته کړې چې دا مرسته د اروپايي اتحادیې، جرمني، جاپان او امریکا په مالي ملاتړ شوې ده.
WFP وايي، دا حبوبات د ژوند ژغورونکې مرستې په توګه وېشل شوي دي.
د ماش، لوبیا، عدس، دال او نخود په څېر حبوبات، چې په افغانستان کې یې بیه نسبتاً ارزانه ده، ډېر پروټین او معدني مواد لري.