په ډېره اسماعیل خان کې چاودنې دوه پوځیان وژلي
د پاکستان امنیتي سرچینو پرون (دوشنبې) رسنیو ته وویل چې چاودنه د سړک په غاړه د اېښودل بم له امله شوې، چې پکې د امنیتي ځواکونو دوه وسایط په نخښه شوي.
په همدې حال کې ټي ټي پي یا د پاکستاني طالبانو تحریک د دې حملې مسوولیت منلی دی.
تر دې دوه ورځې وړاندې، په شمالي وزیرستان کې له وسله والو سره په نښته کې د پاکستان د پوځ د یوه افسر په ګډون څلور عسکر وژل شوي وو.