زیلینسکي وایي راتلونکې اوونۍ عربستان کې له امریکا سره خبرو ته پوره ژمن دی
د رویټرز په وینا، زیلینسکي د شنبې په ورځ پر خپله ایکس پاڼه لیکلي چې اوکراین د دې جګړې له لومړۍ شېبې راهیسې د سولې په لټه کې دی. هغه وویل ریښتیني وړاندیزونه په میز کې دي او هغه هیله لري چې په اړینو پریکړو او اقداماتو به موافقه وشي.
زیلینسکي وویل چې هغه به راتلونکې اونۍ سعودي عربستان ته سفر وکړي او د دوشنبې په ورځ به له ولیعهد سره وویني.
د اوکراین ډیپلوماتیک او پوځي استازي به د سې شنبې په ورځ د امریکا له ټیم سره وګوري.