امنیتي مامورینو د سپینې ماڼۍ مخې ته یو مشکوک بریدګر په ډزو وویشت
په یوه بیان کې چې دې ادارې خپور کړی راغلي، دا وسله وال چې سهار وختي له پولیسو سره تر مقابلې وروسته وویشتل شو په روغتون کې دی او د روغتیايي وضعیت په اړه یې معلومات نه شته. په ډزو کې بل چا ته زیان نه دی اوښتی.
بیان زیاتوي چې د پټو خدماتو ادارې د شنبې په ورځ له یوې سیمه ایزې سرچینې څخه معلومات ترلاسه کړي وو، چې یو ځان وژونکی بریګر ښايي له اندیانا څخه واشنګټن ته ولاړ شي. د بیان له مخې د مشکوک کس موټر د پېښې له ځای څخه لږ لیرې موندل شوی دی.
د پېښې پرمهال ولسمشر ډونالډټرمپ په سپینه ماڼۍ کې نه و، ځکه دی د اونۍ په پای کې په فلوریډا کې خپل استوګنځي ته ځي.