په اتریش کې د یوه ښوونځي دننه په ډزو سره لږ تر لږه ۹ کسان وژل شوي
پولیسو تایید کړې چې پېښه نن په ګراز ښار کې شوې او یوه زده کوونکي دا برید ترسره کړی دی.د پولیسو په خبره ګڼ کسان ټپيان هم دي چې زده کوونکي او ښوونکي په کې شامل دي.زده کوونکي او معلمین له ښوونځي ایستل شوي دي.په اتریش کې داسې پېښې ډېره سابقه نه لري.یواځې تېره فبروري میاشت د اتریش په جنوب کې یوه بریدګر د چاقو په ګوزارونو سره لږ تر لږه یو کس وواژه او ۵ نور یې ژوبل کړل.