Президенти Узбекистон дар моҳи Рамазон 226 маҳбусро афв кард
Дар Узбекистон бори нахуст бо фармони президент ва бар пояи қисми 23-и банди 93-и Конститутсия бахшида ба моҳи Рамазон маҳбусоне афв мешаванд, ки "аз таҳти дил тавба карда, ба роҳи рост баргаштаанд".
Аз ин 226 зиндонӣ 212 тоашон аз муассисаҳои ислоҳӣ пурра озод шуда, ҳукми зиндони 14 тани дигар кам карда хоҳад шуд.
40 тани афвшудаҳо аз 60-сола боло буда, дар миёнашон 39 шаҳрванди хориҷӣ, 37 зан ва 51 нафари гумонбар ба узвият дар созмонҳои мамнуъ ҳастанд.
Фармони Мирзиёев ҳамчунин вазорат ва ниҳодҳои дахлдори давлатии Узбекистонро вазифадор мекунад, ки ба бозгашти афвшудаҳо ба назди хонаводаву пайвандонашон, таъмини онҳо бо ҷойи кор ва интихоби тарзи зиндагии солим мусоидат кунанд.