Эмомалӣ Раҳмон ба Чин меравад
Вазорати корҳои хориҷии Чин хабар дод, ки президенти Тоҷикистон бо як сафари давлатӣ ба ин кишвар меравад.
Дар хабарномаи ин ниҳод рӯзи 8-уми май гуфта шудааст, ки сафар бо даъвати президенти Чин Си Ҷин Пин рӯзҳои 11 то 14-уми май сурат мегирад.
Дар ин хабар маълумоти бештаре дар бораи барномаи сафари президенти Тоҷикистон чизе гуфта нашудааст.
Мақомоти Тоҷикистон ҳам дар ин бора шарҳе надодаанд.
Чин аз сармоягузорони аслӣ ба иқтисоди Тоҷикистон ба шумор меравад ва қарзи Душанбе аз Пекин бештар аз 700 миллион долларро ташкил медиҳад. Қарзҳои зиёди Чин қаблан нигарониҳоеро ба миён овардааст.
Тоҷикистон ва Чин тақрибан 500 километр марзи муштарак доранд.