Rus ýolbaşçylygyndaky KHŞG Merkezi Aziýada harby türgenleşik geçirer

Russiýanyň ýolbaşçylygyndaky Kollektiw howpsuzlyk şertnamasy guramasy Owganystandaky ýagdaý sebäpli Gyrgyzystanda we Täjigistanda harby türgenleşik geçirmekçi bolýandygyny aýtdy.


KHŞG-niň metbugat sekretary Wladimir Zainetdinow 27-nji awgustda Interfaks habar gullugyna 7-9-njy sentýabr aralygynda Gyrgyzystanda geçiriljek "Rubež" türgenleşigine birnäçe müň esgeriň gatnaşjakdygyny aýtdy.


Zainetdinowyň sözlerine görä, oktýabr aýynda Täjigistan-Owganystan serhediniň golaýynda ýene üç sany harby çäre geçiriler, dördünji harby çäre bolsa noýabr aýynda geçiriler.


KHŞG agzalaryna Ermenistan, Belarus, Gazagystan, Gyrgyzystan, Russiýa we Täjigistan girýär.